नेपाल हज समिति कार्यविधि,२०७२ बमोजिम नेपाल हज समितिको मुख्य मुख्य कार्यहरु
2077-11-16
2077-11-16
- हज र उमरा सम्बन्धमा सूचनाहरु संकलन गर्ने, आवश्यक नीतिर कार्य योजनाहरु बनाउने तथा त्यसको कार्यान्वयन गर्ने ।
- हज र उमरा यात्रुहरुको कोटा निर्धारण र यात्रु व्यवस्थापन सम्बन्धमा साउदी अरबको सरकारसँग प्रत्येक बर्ष गर्नुपर्ने हज सम्बन्धी सम्झौता सम्पन्न गर्न आवश्यक कार्यहरु गर्ने गराउने।
- हज र उमरा यात्राको लागि सूचना आह्वान गर्ने, हज यात्रामा लाग्ने कूल खर्च यकीन गर्ने र यसको प्रचार-प्रसार राष्ट्रिय स्तरमा गरेर आवेदन फाराम र लाग्ने रकम जिल्ला प्रशासन कार्यालयहरु मार्फत संकलन गर्ने।
- प्राप्त कोटाको आधारमा हजयात्रुहरुको छनौट गर्ने।
- हज र उमरायात्रुहरुको प्रवेशाज्ञा एवं साउदी अरबको मक्का मदिनामा आवासको व्यबस्था मिलाउन आवश्यक सहयोग गर्ने।
- हज र उमरायात्रुहरुको लागि हवाई टिकटको बन्दोबस्त गर्ने।
- समितिको निमित्त बार्षिक बजेट तथा कार्यक्रम तयार गरी मन्त्रालयमा स्वीकृतिको निमित्त पठाउने।
- हज र उमरा यात्रीको टोलीमा चिकित्सक सहितको टोली समावेश गर्ने।
- हज र उमरायात्रीहरुको रेखदेख र व्यवस्थापनको लागि हज प्रतिनिधिमण्डल पठाउने।
- हज र उमरायात्रीहरुको हज वा उमरा यात्रा सहज बनाउन आवश्यक अभिमुखीकरण, गोष्ठी, तालिम आदि संचालन गर्ने र जानकारी मूलक पुस्तिका, पम्पलेट, ब्रोसर आदि प्रकाशित गर्ने।
- प्रस्थानको समयमा हजयात्रुहरुको स्वास्थ्य जाँ, खोप र विदेशकी मुद्रा सटही सम्बन्धमा आवश्यक सहयोग र समन्वय गर्ने।
- हज र उमरा गृह निर्माणको लागि आवश्यक साधन स्रोत जुटाई आवश्यक कार्य अघि बढाउने।
- हज र उमरायात्री, समितिका सदस्यहरु र हज प्रतिनिधिमण्डलका सदस्यहरुको लागि आचारसंहिता तयार गरी लागू गर्ने।
- हज र उमरा सम्बन्धी कामलाई व्यवस्थित बनाउन आवश्यक अन्य काम गर्ने।